Румынияда түнгі клубта болған жарылыстан 17 адам қаза тапты

«Румынияның Сигету-Мармацией қаласында түнгі клубта болған 2 жарылыстан 17 адам көз жұмды» деп хабарлайды «Росбалт» ақпарат агенттігі.

Полиция қызметкерлерінің айтуынша, жарылыс түнгі клубтың үстінде орналасқан  кеңседегі газ жүйесіндегі ақаудың салдарынан болған.

Бірінші жарылыста 7 адам қаза тапқан. Полиция қызметкерлері мен өрт сөндірушілер келіп жетіп, құтқару жұмыстарын жүргізіп жатқанда екінші мәрте жарылыс болып,  тағы 10 адамның өмірін қиған. Олардың арасында өрт сөндірушілер мен 2 полиция қызметкері бар.