Құлтемір-астронавт алғаш рет ғарышта адаммен қол алысты

Халықаралық ғарыш стансасының командирі Дэниел Бербэнк (Daniel Burbank) және экипаждың штаттан тыс мүшесі Robonaut-2 бір-бірімен қол алысты. Бұл құлтемір орбитада сынақтан өте бастады.

NASA мұны тарихи жағдай  деп атады. Осылайша Robonaut-2 өзінің адамдарға көмек беруге дайын екенін білдірді. Тіпті ол адаммен қол алысқаннан кейінгі «әсерін» тікелей эфирде және «Твиттерде»  баяндады. Одан басқа, құлтемір жұртқа ыммен (Hello World) хабарлама жіберді.

Еске сала кетсек, көмекші кибернетикалық астронавт Халықаралық ғарыш стансасына бір жыл бұрын жөнелтілген. Бірақ тек 2011 жылдың қазан айында ғана іске қосылып, түрлі тексеруден өтті. Жақын арада құлтемір күрделі сынақтан өтеді. Ол имитациялық басқару панелімен жұмыс істейді.  

NASA әзірге «Робонавттың» стансада нақты қандай тапсырма орындайтыны жөнінде мәлімет берген жоқ.

Дереккөз – membrana.ru