Немістер мұнай қоймаларын экологиялық үйлерге айналдыруды ұсынды

Берлиндік дизайнерлік-сәулет бюросы пайдаланылмайтын мұнай өнімдерін сақтайтын қоймаларды өзін толығымен электр қуатымен қамтамасыз ететін үйлерге айналдыру жобасын ұсынды.

Сәулетшілердің есебіне сәйкес, әлем бойынша 49 мың мұнай қоймасы салынған. Болашақта олардың көбісі тікелей мақсатта пайдаланылмайтын болады.  Бұл оларды сыртқы электр қуатынан дербес экологиялық таза үйлерге айналдыруға мүмкіндік береді.

Сфера тәріздес пішін арқасында мұнай қоймалары нық тұрады. Көп шығынды талап етпейді және күн энергиясын пайдалануда мүмкіндігі жоғары. Жобаны әзірлеушілердің ойынша, үйді электр қуатымен және жылумен қамтамасыз ету үшін фотоэлектрлік панельдерді және су жылытқышты орналастыру керек.   

Дереккөз – pinkcloud.dk