Нью-Джерси штатында аты аңызға айналған әнші әрі актриса Уитни Хьюстонды жерлеу рәсімі болып өтті

Әнші Уэстфилд қаласындағы қорымға әкесінің қасына жерленді. АҚШ жұлдызымен қоштасу рәсімі Ньюарк қаласындағы "Новая надежда" атты баптистік шіркеуде өтті.

Айта кетерлігі, Уитни кішкентай кезінде бұл шіркеуде хорда ән салған болатын. Марқұммен қоштасуға Кевин Костнер, Клайв Дэвис, Алиша Киз, Ар Келли, Стиви Уандер және тағы да басқа танымал жұлдыздар келді. Олар Уитнидің құрметіне ән арнады. Сондай-ақ Ньюарк қаласының көшелері әншінің жанкүйерлеріне де лық толды. Олар да Хьюстонды соңғы сапарға шығарып салуға келген еді.