Жақында Алматыдағы «Ақпараттық технология саябағында» инновациялық форум шеңберінде отандық өнімдердің көрмесі өтті.
«Ақпараттық технология саябағы» бүгінгі таңда еркін экономикалық аймақ болғандықтан, еліміздегі инновациялық өнімдердің 40% -ы осында жүзеге асырылуда.
Елімізде жасалған инновациялық жобалармен таныс болыңыздар!
Автор: Белла Сәт-Мырза, «Еуразия» бірінші арнасы, 1tv.kz
Фото: Валентин Опарин, 1tv.kz
Елімізде жасалған алғашқы отандық жолаушы тасымалдаушы вагондардың тұсаукесері таяу арада өтеді
Әр вагонның ішінде 2 және 3 адамдық купе бар. Олардың әрқайсысы заманауи технологиялармен жабдықталған
«Ақпараттық технология саябағында» телекоммуникациялық жабдықтар да өндіріледі. Бұл құралдарға Ресей және ТМД елдерінен сұраныс көп
«Қаламыздың экологиялық қауіпсіздігін жоғарылатады. Сонымен қатар жанармайды 35% үнемдеп, ауаны 4 есе тазартады», - деді жоба авторы Дина Нүсіпбекова
Елімізде тұңғыш рет кәсіпкерлер мен бұқара халыққа арналған ақпараттық банкомат пайда болды. Бұл - несие алу үшін онлайн тіркелуге, жұмыс іздеуге, салық төлеуге болатын ғажайып жобалардың бірі
Инновациялық Армстронг технологиясы арқылы жасалған шамдар 32 Ватты құрайды. Жарамдылық мерзімі – 25 жыл әрі ол әдеттегі шамдардан электр энергиясын 3 есе үнемді пайдаланады
Еліміздің халықаралық IT-университетінің студенттері интерактивті жобалар дайындады. Мысалы, «Сөз қазынасы» қазақ тілін дамытатын жоба болса, «Антхил» жобасы зілзала қаупінен алдын ала хабар береді
«Нағыз отандық инновацияны 18 жыл бұрын шығардық. Яғни жарық диодты шамдарына жаңа сызба енгізу арқылы жаңаша қолдану тәсілін ойлап таптық. Бағасы да қолжетімді » дейді ғалым Сағадат Әбдіғапар
Пікір қосу