18 ақпанда түнгі сағат 01.00-де Алматыдағы «Абай» метро стансасында төтенше жағдайларды жою және өрт сөндіруге қатысты жоспарлы тактикалық арнайы оқу-жаттығулар өтті.
Оған Алматы қаласының ТЖ жөніндегі департаменті, метрополитен басшылығы, метрополитеннің әскери апаттан құтқару қызметі, «Өрт сөндіру және апаттан құтқару жұмыстарының қызметі», Алматы қаласы медициналық апат орталығының бөлімшесі, қаланың құтқару қызметі, Медициналық қызмет, Қоғамдық тәртіпті күзету қызметі және ҚР ТЖМ Республикалық жедел құтқару жасағы қатысты.
Автор: Венера Ізбағамбетова, Ирина Михайлова, «Еуразия» бірінші арнасы (1tv.kz)
Фотограф: Ерболат Тәмтенов, 1tv.kz
Жоспар бойынша, түнде метрополитен пойыздарының диспетчеріне және «Абай» стансасы бойынша кезекшіге электр пойызы машинисінен вагонның «жанғаны» туралы хабарлама келіп түсті
Бұдан соң диспетчер болған жайтты метрополитеннің Әскери апаттан құтқару қызметінің кезекшісіне, метрополитен және қаланың жедел қызметтеріне хабарлап, олар сол сәтте әрекетке көшті
«Жанып жатқан» пойыз жеткен соң кезекші ІІБ қызметкерлерімен бірге адамдарды сыртқа шығарды. Ал Әскери құтқару қызметі пойыздан зардап шеккендерді алып шықты
Апаттан құтқару қызметі зардап шеккендерге платформада алғашқы көмек көрсетті
…ал одан кейін шұғыл түрде эскалатормен бәрін жоғары шығарып, вестибюльде оларды Құтқару қызметі мен Республикалық жедел құтқару жасағына дәрігерлерге жеткізу үшін тапсырды
Жер үстіндегі дәрігерлер өз кезегінде жапа шеккендерге тиісті көмек көрсетті
Ал бұл уақытта метрополитеннің Әскери апаттан құтқару қызметі өртті ауыздықтауға кірісті
Полиция қызметкерлері қоғамдық тәртіпті күзетіп, аумақты қоршауға алды
«Жедел жәрдем» бригадалары зардап шеккен адамдарды жақын маңдағы емдеу мекемелеріне жеткізді
Пікір қосу