Еліміздің Бас прокуратурасында Әблязовтің жүрген жері туралы ақпарат жоқ

БТА Банкінің Директорлар кеңесінің бұрынғы төрағасы Мұхтар Әблязовтің қайда жүргені белгісіз. Бұл туралы Бас прокуратураның ресми өкілі Нұрдәулет Сүйіндіков мәлім етті.

«Ондай өзекті ақпарат жоқ. Менің білуімше, оның жүрген жерін анықтау бойынша шаралар қабылданып жатыр», - деді ол бүгін брифингте Лондон сотының М.Әблязовті  жауапкершілікке тартқан-тартпағаны туралы сұраққа жауап бере отырып.

Естеріңізге салсақ, Ұлыбритания соты БТА Банкі түсірген өтініштің барлық үш тармағы бойынша Мұхтар Әблязовті сотқа құрметсіздік танытқаны үшін 22 айға түрмеге қамау туралы үкім шығарған болатын.

Дереккөз– kaztag.kz