Қазақстандық жинақтаушы зейнетақы қорларының инфляция деңгейі әлі де төмен

Еліміздің ең үздік жинақтаушы зейнетақы қоры соңғы 5 жылда 40,9% табыс көрді. Бұл уақыт аралығында жиналған инфляция деңгейі 58%-дан асты.

Бұл туралы Қазақстан Республикасы Ұлттық Банкінің Қаржы нарығы мен қаржы ұйымдарын бақылау және қадағалау жөніндегі комитеті хабарлайды.

Биыл 1 ақпандағы көрсеткішке сәйкес, табысы бойынша алғашқы үштікте:   «МұнайГаз-Дем» ЖЗҚ» АҚ - 40,91%, «Капитал» ЖЗҚ» АҚ, «Центр Кредит Банкі» АҚ еншілес ұйымы - 39,22% және «Қазкоммерцбанк» АҚ еншілес мекемесі «Грантум» ЖЗҚ» АҚ - 34,78%.

Ең төменгі табыс коэффициентін көрсеткен - «Индустриалды Қазақстан» ЖЗҚ» АҚ (бұрынғы атауы «Қазақмыс» ЖЗҚ») – 17,83% және  «ҰларҮміт» ЖЗҚ» АҚ - 14,58%. Соңғы 5 жылда елдегі барлық зейнетақы қорларының кесімді табысының орташа коэффициенті 26,51%-ды құрады.

Өткен жылы ең жоғары табысқа қол жеткізген  зейнетақы қорлары   -«Астана» ЖЗҚ» АҚ - 7,6% және «Грантум» - 5,1%.

Ал ең аз табыс тапқан - «Ұлар Үміт» ЖЗҚ». Оның соңғы 12 айдағы табыс   коэффициенті 0,73%-ды құрады. Яғни қор өз  салымшылары үшін шығын келтірді.  «Отан» ЖЗҚ» АҚ - 0,47%,  «Қазақстан Халық Банкі ЖЗҚ» АҚ - 1,01%, «Индустриалды Қазақстан» ЖЗҚ» АҚ - 1,01% көлемінде табыс тапты.

Былтыр жиналған  инфляция мөлшері 5,9%-ды құрады. Мәлімет бойынша, қазақстандықтардың зейнетақы жинақтары биылғы жылдың 1 қаңтарына 2 триллион 651 миллиард теңгеге жетті. Міндетті зейнетақы жарналары бойынша, жекелеген зейнетақы есептерінің мөлшері 8 миллион 100 мыңнан астам.

Автор: Венера Ізбағамбетова, Жанболат Мамышев, «Еуразия» бірінші арнасы (1tv.kz)