Евгений Плющенко өзінің сағат топтамасын шығарды

Евгений Плющенко – сегіз қырлы, бір сырлы тұлға. Ол өзін үнемі жаттықтырып, түрлі спорт сайыстарына қатысып, қашанда өз бабында жүруге тырысады. Сонымен қатар зайырлы кештердің қонағы болуды да ұмытпайтын ол жақында Ulysse Nardin маркасымен бірігіп, өзінің сәнді сағаттар топтамасын шығарды.

Бұл жобаны танымал спортшыға Рольф Шнайдер ұсынды.  Сағат шығару 1 күндік іс емес, сондықтан бұл өндірісті қолға алу жобасы  2010 жылы басталған болатын.

Плющенконың өзі сағат өндіру зауытына келіп, сағаттың әр механизмін қадағалап, жұмыс барысына атсалысқан.

Міне, енді Champion's Diver сағат топтамасы жарыққа шықты. Плющенко осы бұйымдарды көргенде өзінің қуанышын жасыра алмады. Тұңғыш сағат топтамаларының сәтті шыққанын айтып, жылы пікірін білдірді.

Дереккөз:  spletnik.ru