Телефонды суға түсіріп алсаңыз...

Әрқайсысымыз өмірімізде бір рет болса да, ұялы телефонымызды суға түсіріп алдық немесе осындай жағдайдың куәсі болдық. Мұндай жағдайда не істеу керек? Назарларыңызға осыған қатысты кеңестерді ұсынамыз.

Не істеуге болмайды?

1. Телефонды сілкуге болмайды. Бұл оны толығымен істен шығаруы мүмкін: су толығымен платаларға ағып, элементтерге кері әсерін тигізеді.

2. Телефонды микротолқынды пештің, феннің немесе басқа қызу құрылғылардың көмегімен құрғатпаңыз. Олар телефон ішіндегі сымдарды күйдіріп жіберуі мүмкін.

Не істеуге болады?

1. Біріншіден, телефондағы батареяны алып тастап, сим-картаны ұяшығынан шығарып алыңыз. Сим-картаны неғұрлым тез шығарсаңыз, соғұрлым ақпараттың сақталу мүмкіндігі жоғары болады.

2. Телефонды үрлеп, оны орамалмен құрғатып, сүртіп алған жөн.

3. Телефонды бірнеше сағатқа күріші бар тәрелкеге қойыңыз. Күріш телефондағы қалған ылғалды өзіне сіңіріп алады.

4. Телефонды күріші бар тәрелкеден алып, оның бетін құрғақ шүберекпен сүртіп, сим-карта мен батареяны орнына қойыңыз. Сіздің телефоныңыз іске қосылуы керек.

5. Егер сіздің телефоныңыз батпаққа немесе унитазға түсіп кетсе, оны антибактериалды немесе спиртті майлықпен сүртіңіз.

Дереккөз: massaget.kz